ՌԴ Արտաքին գործերի նախարարության պաշտոնական ներկայացուցիչ Մարիա Զախարովան ասել է, որ Սերբիան հասկանում է Ռուսաստանի հետ գործընկերության արժեքը, իսկ դեպի Արևմուտք ընտրությունը կարող է վնասել Բելգրադին։ Այս մասին ասվում է ՌԴ ԱԳՆ կայքում։

«Ազգային շահերը սակարկության առարկա չեն, Բելգրադը հասկանում է ռուս-սերբական ռազմավարական գործընկերության անկախ արժեքը և, հետևաբար, ձեռնպահ է մնում գործնական միջոցներ ձեռնարկելուց՝ ի վնաս մեր հարաբերությունների»,- ասված է Զախարովայի հայտարարության մեջ։

Զախարովան հավելել է, որ Մոսկվան և Բելգրադը շարունակում են կենտրոնացած մնալ ձեռք բերված բոլոր պայմանավորվածությունների իրականացման վրա։

Ավելի վաղ Սերբիայի նախագահ Ալեքսանդր Վուչիչը հայտարարել էր, որ երկիրը կարող է պատժամիջոցներ կիրառել Ռուսաստանի դեմ՝ Արևմուտքի կողմից երկրի վրա ճնշում գործադրելու պատճառով։ Նա հավելել էր, որ իրեն ժամանակ է պետք, նրա խոսքով՝ ինքն սպասում է «հարմար պահի», իսկ այդ պահը վաղուց է մոտենում։