Սիրելի՛ հայրենակիցներ, 2023 թվականն ուղեկցվեց ցավալի կորուստներով ու հայրենազրկմամբ։ Տարվա թերևս միակ ուրախալի իրադարձությունը մեր 32 գերիների վերադարձն էր հայրենիք, սակայն դեռևս թշնամու ձեռքին է մնում Արցախն ու Արցախի Հանրապետության քաղաքական, ռազմական ղեկավարությունը, դեռևս Բաքվի բանտերում են գտնվում մեծաթիվ հայ ռազմագերիներ, իսկ թշնամին դիրքավորված է Հայաստանի Հանրապետության տարածքներում։

 

Սակայն հուսանք, հավատանք ու նաև գործենք, որպեսզի 2024 թվականը լինի բեկումնային տարի, բեկումնային դեպի հաղթանակներ, ձեռքբերումներ, ազգային նոր զարթոնք ու ազգային հավաքական հպարտության ու արժանապատվության վերականգնում։

 

Meganews.am-ը շնորհավորում է բոլորիս Ամանորն ու Սուրբ Ծնունդը, մաղթում երջանկություն, հաջողություն ու բարեկեցություն, ինչպես նաև, թե՛անձնական, թե՛ ազգային երազանքների իրականացում։

 

Meganews.am