Արցախին սատարելու և օժանդակելու համար պետք է հստակ հասկանալ, թե ինչ է այսօր կատարվում Արցախում:

Այս մասին Արցախի անկախության օրվա առթիվ կազմակերպված հանարահավաքի ժամանակ ասել է «Հայաստանի Հանարապետական» կուսակցության անդամ, ԱԺ «Պատիվ ունեմ» խմբակցության քարտուղար Տիգրան Աբրահամյանը:

«Առանց այն էլ իրավիճակը աննկարագրելի բարդ էր, դրան գումարվել է այս պայմաններում Արցախի նախագահի հրաժերականը: Արդյո՞ք այդ հարաժարականը հասունացել էր, ես կասեի շատ վաղուց, սակայն ակնհայտ է, որ հրաժարական տալու առավել նպատակահարմար ժամանակներ արդեն բաց ենք թողել»,- ասել է նա:

Ըստ Աբրահամյանի Արցախում կառավարությունը խաթարվել է, պետական մեքենան կարծես կանգ է առել, իսկ իշխանության, ավելի կոնկրետ նախագահի հանդեպ հանրային վստահությունը նվազագույնին է հասել:

«Անկախ այն ամենից, թե ինչ կարծիքներ հնչեցին Արցախի պետնախարարի պաշտոնում Սամվել Շահրամանյանին նշանակելու և առաջիկայում նրա թեկնածությունը նախագահի պաշտոնում ներկայացնելու համար, պետք է նշել, որ Շահրամանյանը այն քչերից է, ով իրեն պաշտոնի համար այսկողմ-այնկողմ չի հրել:

Մեր այն միջազգային գործընկերները, ովքեր հայտարում են, որ Հայաստանը ճանաչել է Արցախն Ադրբեջանի կազմում, շատ հստակ ասում եմ, ո՛չ, Հայաստանը չի ճանաչել, նման բան հայտարարել է Հայաստանի վարչապետի պաշտոն զբաղեցնող անձը, իսկ այդ բանավոր հայտարարությունը ոչ մի ուժ չունի:

Որդյո՞ք հավաքական հայը իրավունք է տվել իշխանությանը իր անունից որոշելու Արցախի սեփական ճակատագիրը, անշուշտ ո՛չ»,- ասել է նա: