Փաստաբան Արամազդ Կիվիրյանը տեղեկացնում է, որ Երեւանքաղաքի առաջին ատյանի ընդհանուր իրավասության քաղաքացիական դատարանից հայտնել են այն մասին, թե ԱԺնախագահ Ալեն Սիմոնյանը ներկայացրել է դիմում` լրագրող Անի Գեւորգյանի դեմ կայացված դատական ակտի պահանջների կատարման նպատակով` ՀՀ ԱՆ հարկադիր կատարումն ապահովող ծառայությանը կատարողական թերթ ուղղելու վերաբերյալ:

Սակայն, ըստ փաստաբանի, Անի Գեւորգյանի կողմից, ամբողջությամբ կատարվել են դատարանի կողմից կայացված դատական ակտի պահանջները, մասնավորապես` ֆեյսբուքյան էջում տեղադրվել էր համապատասխան հայտարարությունը։

Մեկնաբանության համար Meganews.am-ը դիմեց ԱԺ նախագահի խոսնակ Ծովինար Խաչատրյանին: Meganews-ի  հարցին ի պատասխան, նա նշեց. «Ալեն Սիմոնյանն Անի Գեւորգյանից որեւէ պահանջ չունի, քանի որ նա կատարել է դատարանի վճիռը եւ իր բոլոր պարտավորությունները: Սա թյուրիմացություն է, քանի որ հիմա աշխատանքային ժամ չէ, որեւէ բան հիմա չեմ կարողա ասել, վաղը այս թյուրիմացությունը կշտկվի»:

Meganews.am