Նախ եթե ասում են 86 հազար 600 քառակուսի կիլոմետր ու Արցախը մեջը չէ, պարզվում է՝ Ադրբեջանը 90 հազար կլիոմետր է եղե՞լ։ Ադրբեջանը երկրագնդից դուրս տարածքներ հո չի՞ ունեցել։ Այսինքն 86600 քառակուսի կիլոմետրի դեպքում Արցախն էլ մեջն է։ Այս մասին Ազգային ժողովում լրագրողների հետ ճեպազրույցի ժամանակ 24News-ին ասաց «Հայաստան» խմբակցության պատգամավոր Արմեն Ռուստամյանը։

 

«Ինքնորոշման իրավունքն այն է, որ իրենք որոշեն իրենց ճակատագիրը, ոչ թե Հայաստանը կամ Ադրբեջանը։ Կան նաև տեսակետներ, որ պետք է ինտեգրվեն։ Արցախում գնում է պայքար երկու ուղղության մեջ, ինչպես Հայաստանում, ինտեգրման գործընթաց և ազատ ապրելու իրավունք։ Մարդիկ մի քանի անգամ դուրս են եկել հրապարակ, ասել են, որ մենք ինքնորոշման իրավունքից չենք հրաժարվելու, քանի որ դա կբերի էթնիկ զտման, ցեղասպանության և Արցախի հայաթափման»,-նշեց պատգամավորը։