Ցավում եմ, որ հուշարձանի տեղադրումը նման արձագանք է ստացել Թուրքիայում: Ես այս հարցը քննարկել եմ նաև իմ թուրք գործընկերոջ հետ: Որոշումը կայացվել է ՏԻՄ-ում, և ես չեմ ցանկանում, որ հուշարձանի տեղադրումը այստեղ ընկալվի որպես Հայաստանի պետական արտաքին քաղաքականության դրսևորում և ոչ բարիդրացիական քայլ։ Այս մասին Անկարայում տեղի ունեցած ճեպազրույցի ժամանակ հայտարարել է ԱԺ նախագահ Ալեն Սիմոնյանը, խոսելով Երևանում «Նեմեսիս» գործողության հուշարձանի տեղադրման մասին։

 

Սիմոնյանը նշել է, որ Հայաստանում պետական արտաքին քաղաքականությունն իրականացվում է վարչապետի և արտգործնախարարի կողմից, իսկ այս մակարդակում կայացված որոշումներին վերջին ամիսների ընթացքում ականատես են բոլորը։