Ում հետ են բանակցում «Բոլորին դեմ եմ» շարժման համահիմնադիրները․ «Հրապարակ»
«Հրապարակ» թերթը գրում է.
«Մեր տեղեկություններով, «Բոլորին դեմ եմ» շարժման համահիմնադիրներն այս օրերին բանակցում են տարբեր քաղաքական ուժերի ղեկավարների, անհատ գործիչների հետ՝ միասնական ճակատով ընտրություններին մասնակցելու նպատակով։
Մասնավորապես, բանակցություններ կան «Ինքնիշխան Հայաստան» կուսակցության նախագահ Դավիթ Սանասարյանի հետ: Նա 2018 թվականի իշխանափոխության ակտիվ մասնակիցներից էր, Փաշինյանի թիվ մեկ գործընկերը, որին նշանակեցին Պետական վերահսկողական ծառայության ղեկավար, ապա ամիսներ անց կոռուպցիոն մեղադրանքով դուրս մղեցին իշխանությունից, իսկ 7 տարի անց դատարանն արդարացրեց նրան: Սանասարյանը տևական ժամանակ քաղաքական ակտիվություն չէր դրսևորում, և առաջիկա օրերին պարզ կլինի՝ հաջողվե՞լ է կոնսենսուսի գալ, թե՞ ոչ։
Բանակցություններ կան նաև ՄԱՍ կուսակցության համահիմնադիր Հովիկ Աղազարյանի և Հակոբ Ասլանյանի հետ։ Այս թևում էլ դեռ որոշակիություն չկա։
Հիշեցնենք. մեկ շաբաթ առաջ իրավապաշտպան Նինա Կարապետյանցը հայտարարեց, որ իր հիմնադրած «Նժար» շարժումը միանում է «Բոլորին դեմ եմ»-ին, և միասին են մասնակցելու հունիսյան ընտրություններին։ «Բոլորին դեմ եմ»-ին է միացել նաև Տիգրան Խզմալյանը»։
Մանրամասները թերթի այսօրվա համարում։
