Սուրեն Պապիկյանը ներկա է գտնվել ԵԿՄ ստեղծման հոբելյանին նվիրված միջոցառմանը
Վարչապետ Նիկոլ Փաշինյանի գլխավորությամբ ՀՀ պաշտպանության նախարար Սուրեն Պապիկյանը ներկա է գտնվել Օպերայի և բալետի ազգային ակադեմիական թատրոնում Երկրապահ կամավորականների միության ստեղծման 30-րդ տարեդարձին նվիրված միջոցառմանը:
Ներկաները մեկ րոպե լռությամբ հարգանքի տուրք են մատուցել հանուն Հայրենիքի կյանքը նվիրաբերած հայորդիների հիշատակին:
«ԵԿՄ 30-ամյակի առթիվ այցելել ենք նաև Եռաբլուր զինվորական պանթեոն՝ հարգանքի տուրք մատուցել սպարապետ Վազգեն Սարգսյանի և զորավար Անդրանիկ Օզանյանի հիշատակին»,-ֆեյսբուքյան իր էջում գրել է Սուրեն Պապիկյանը:
