Ինչու այստեղ գրված չէ Արծվաշենի մասին, դա ՀՀ տարածքային ամբողջականության խաթարում չէ՞. «Պատիվ ունեմ» խմբակցության ներկայացրած «Ազգային ճգնաժամի և կառավարման ձախողման մասին» ԱԺ հայտարարության նախագծի քննարկմանը դիմելով  «Պատիվ ունեմ» խմբակցության ղեկավար Հայկ Մամիջանյանին՝ ասաց ՔՊ պատգամավոր Անուշ Քլոյանը։

«Նշվում է, որ 2021-ից սկսած թշնամական ուժերը բազմիցս խախատել են ՀՀ միջազգայինորեն ճանաչված սահամնները, գրավել են տարածքներ։ Միայն 21-ից եք նշել, բայց արցախյան պատերազմից հետո մեր ինքնիշխան տարածք Արծվաշենը գտնվում է Ադրբեջանի տիրապետության ներքո։ Ինչո՞ւ այստեղ գրված չէ Արծվաշենի մասին, դա ՀՀ տարածքային ամբողջականության խաթարո՞ւմ չէ»,-հարցրեց նա։

Մամիջանյանը նշեց, որ կարող են քննարկել և ավելացնել այն, եթե մտնեն բովնադակային քննարկման մեջ։ «Համատեքստը վերաբերում է 44-օրյա պատերազմից հետո ձեր իշխանությունների անվտանգային բացթողումների հետևանով մեր ինքնիշխան տարածքների օկուպացիաներին և դրա վերացման ուղղությամբ զրո քայլերի կատարմանը»,-ասաց նա։