Հայերի և եզդիների բարեկամությունը դարերի պատմություն ունի․ մենք ուս ուսի տված՝ կռվել ենք, պայքարել խաղաղության և արդարության համար․ Գագիկ Ծառուկյան (Տեսանյութ)
Գագիկ Ծառուկյանը շնորհավորել է եզդիներին՝ միասնության և համերաշխության օրվա առիթով․
«Սեպտեմբերի 29-ը եզդի ժողովրդի միասնության և համերաշխության օրն է։
Այս օրը աշխարհի տարբեր անկյուններից եզդիները գալիս են Հայաստան՝ ուխտագնացության դեպի Ակնալիճ, որտեղ գտնվում է նրանց ամենամեծ սրբավայրը։ Տաճարը տարիներ շարունակ դարձել է հավատքի, համախմբման ու ազգային ինքնության կենտրոն՝ շնորհիվ այն կառուցողների նվիրումի։
Հայերի և եզդիների բարեկամությունը դարերի պատմություն ունի։ Մենք ուս ուսի տված՝ կռվել ենք, պայքարել խաղաղության և արդարության համար։ Մեր այս եղբայրությունը պետք է օրինակ լինի աշխարհի համար։
Մեկ անգամ ևս շնորհավորում եմ մեր եզդի բարեկամներին այս տոնի առթիվ՝ մաղթելով միասնություն և զորություն»։
