Սևակ Միքայելյանը շնորհավորական ուղերձ է հղել Գիտելիքի եւ դպրության օրվա առթիվ։

Սիրելի′ աշակերտներ, ուսուցիչներ,
 
Շնորհավորում եմ ձեզ Սեպտեմբերի 1-ի` Գիտելիքի և նոր ուսումնական տարվա առթիվ:
Այս օրը բոլորիս կյանքում առանձնահատուկ նշանակություն ունի․ այն նոր ակնկալիքների, նպատակների և նորանոր հաջողությունների սկիզբն է։ 

Գիտելիքն այն ուժն ու հարստությունն է, որն ուղեկցում է մարդուն ողջ կյանքի ընթացքում։ 

Գիտելիքը տալիս է ուժ՝ զարգանալու, դժվարությունները հաղթահարելու և ավելի լավ ապագա ստեղծելու համար: ։  

Հարգելի՛ ուսուցիչներ, ձեր նվիրվածությունն ու անմնացորդ աշխատանքը հանդիսանում են այն ամուր հիմքը, որի վրա կառուցվում է մեր ապագան։ 

Ձեր շնորհիվ է, որ մեր աշակերտները դառնում են գիտակից և հայրենասեր քաղաքացիներ։ 

Սիրելի՛ աշակերտներ, դուք եք մեր երկրի վաղվա օրը։
Ձգտեք գերազանց սովորել և հասնել ձեր բոլոր նպատակներին ։  
Մաղթում եմ բարձր առաջադիմություն և նորանոր ձեռքբերումներ: 

Թող այս ուսումնական տարին լինի առավել արդյունավետ և նոր հաջողություններ բերի բոլորիդ: 

Բարի երթ նոր ուսումնական տարում։