Նազելի Բաղդասարյանն այսօր դիմավորել է եռամսյա հավաքներից տուն վերադարձած պահեստազորայինների հերթական խմբին

Շիրակի մարզպետ Նազելի Բաղդասարյանն այսօր դիմավորել է եռամսյա հավաքներից տուն վերադարձած պահեստազորայինների հերթական խմբին։ Այս մասին հայտնում են մարզպետարանից։

Ողջունելով մարտական ծառայությունից վերադարձած շիրակցիներին՝ Նազելի Բաղդասարյանը շնորհակալություն է հայտնել նրանց պատասխանատու ծառայության համար․ «Ուրախ եմ Ձեզ ողջունելու, բարով եք եկել, ուզում եմ շնորհակալություն հայտնել բոլորիցդ անձնվեր ծառայության և վարժական հավաքներին ու մարտական հերթապահության ժամանակ ցուցաբերած աչալրջության և զգոնության համար։ 

Չնայած մեր երկիրն այժմ փորձություններով է անցնում, սակայն մեր սահմաններն ամուր են նաև ձեզ նման հայրենիքի պաշտպանների շնորհիվ։

Վստահ եմ՝ ձեզ սպասողներ շատ կան և ձեզանից յուրաքանչյուրի համար մեր սիրտը ցավում է»։

Նշենք, որ վարժական հավաքները հայտարարվել են պահեստազորում հաշվառված քաղաքացիների ռազմական ունակությունների կատարելագործման, մասնագիտական վերապատրաստման, բարձրագույն կրթություն ունեցող ենթասպայական կազմից պահեստազորի սպաների պատրաստման նպատակով: 

 

Այս թեմայով
am