ՌԴ ՊՆ-ն՝ նախորդ օրն Արցախում Ադրբեջանի կողմից հրադադարի խախտման մասին

Ռուսաստանի ՊՆ մամուլի ծառայությունը հայտնում է․ «Սեպտեմբերի 17-ին Շուշիի շրջանում 3 անգամ գնդակոծվել են հայկական դիրքերը։ Հայկական կողմից կա 2 վիրավոր։
Հայկական կողմի տեղեկատվության համաձայն՝ կրակոցները եղել են Ադրբեջանի զինված ուժերի դիրքերից։

Գնդակոծության հետևանքով վիրավորվել են Լեռնային Ղարաբաղի զինված կազմավորումների երկու զինծառայողներ:
Խաղաղապահ զորակազմի հրամանատարության կողմից քննություն է անցկացվում երկու կողմերի ներկայացուցիչների մասնակցությամբ»,– ասված է ՌԴ ՊՆ հաղորդագրության մեջ։

 

Հիշեցնենք, որ երեկ ԱՀ ՊԲ-ն հայտարարություն էր տարածել, նշելով, որ նույն օրը՝ ժամը 12:30-ի սահմաններում, ադրբեջանական զինուժը Արցախի Հանրապետության արևմտյան հատվածում հերթական անգամ խախտել է հրադադարի պահպանման ռեժիմը, ինչի հետևանքով հրազենային վիրավորում է ստացել ՊԲ զինծառայող, շարքային Վրույր Վարդանի Շահրամանյանը:

Այս թեմայով
am