«Քաղաքացիները ճիշտ են, երբ ասում են՝ ինչո՞ւ կառավարության քննարկումների ժամանակ դիմակի պայմանը չի պահպանվում»․ Ն․ Փաշինյան

«Պարետատունն անցնում է աշխատանքների ավելի ինտենսիվ ռեժիմի ու ոստիկանությունը պետք է անցնի խիստ հսկողության։ Երեկ տուն վերադառնալիս նկատեցի, որ տաքսիների մեջ չեն պահպանվում կանոնները, գիտեք, որ հանրային տրանսպորտում ևս պարետատունը կանոններ է սահմանել։ Բաց տարածքներում դիմակի առկայությունը պարտադիր է, նախ պետք է պահել սոցիալական հեռավորություն, եթե այդ հարցում վստահ չենք, իրար հետ շփվելիս պետք է պարտադիր հաղորդակցվենք դիմակով։ Փակ տարածքներում դրանց պարտադիր պայմանի մասին արդեն հայտնի է»,- Կառավարության նիստում ասաց Նիկոլ Փաշինյանը։

Նա նկատեց, որ քաղաքացիները ճիշտ դիտարկում են անում, երբ ասում են՝ ինչու կառավարության քննարկումների ժամանակ դիմակի պայմանը չի պահպանվում․ «Առանց դիմակի կարող ենք լինել, երբ աշխատասենյակում մենակ ենք, մնացած բոլոր դեպքում պետք է կրել»։

 

Այս թեմայով
am