ՖԻՖԱ-ն անժամկետ կերկարաձգի ընթացիկ մրցաշրջանը

Ֆուտբոլի միջազգային ֆեդերացիան (ՖԻՖԱ) անժամկետ կերկարաձգի ընթացիկ մրցաշրջանը՝ թույլ տալով ազգային լիգաներին ինքնուրույն որոշել առաջնությունն ավարտին հասցնելու ժամկետը, հաղորդում է The Athletic-ը։

Կորոնավիրուսի պանդեմիայի հետեւանքով դադարեցված մրցաշրջանն ավարտին հասցնելու վերաբերյալ պաշտոնական դիրքորոշումը ՖԻՖԱ-ն կհրապարակի առաջիկա օրերին։

Կտեղափոխվեն նաեւ ամառային տրանսֆերային պատուհանի ժամանակային սահմանները։ Ակումբները հնարավորություն կունենան երկարաձգել ֆուտբոլիստների պայմանագրերը մինչեւ մրցաշրջանի ավարտը։ Խոսքն այն պայմանագրերի մասին է, որոնք ավարտվում են հունիսի 30-ին։

ՈւԵՖԱ նախագահ Ալեքսանդր Չեֆերինը հայտարարել էր, որ Չեմպիոնների լիգայի եւ Եվրոպայի լիգայի մրցաշրջանները պետք է ավարտել մինչեւ օգոստոսի 3-ը։

Այս թեմայով
am