Մնացականյանն ու Լավրովն անդրադարձել են ԼՂ խաղաղ գործընթացին

Հայաստանի արտգործնախարար Զոհրաբ Մնացականյանն այսօր Ժնևում հանդիպել է Ռուսաստանի իր պաշտոնակցին՝ Սերգեյ Լավրովին, հայտնում է ՏԱՍՍ-ը:

Մնացականյանը շնորհակալություն է հայտնել Լավրովին հանդիպելու և որոշ «հիմնական հարցեր» քննարկելու հնարավորության համար:

Ավելի ուշ Հայաստանի ԱԳՆ-ից տեղեկացրին, որ հանդիպման ընթացքում քննարկել են հայ-ռուսական դաշնակցային հարաբերությունների երկկողմ և բազմակողմ օրակարգին առնչվող հարցերի լայն շրջանակ, տարածաշրջանային և միջազգային հրատապության մի շարք հարցեր, Մերձավոր Արևելքում տեղի ունեցող զարգացումներ:

ԱԳ նախարարները անդրադարձ են կատարել նաև ԼՂ խաղաղ գործընթացին:

Նախարարների նախորդ բանակցությունները տեղի են ունեցել նոյեմբերին Լավրովի Երևան այցի ընթացքում:

Նախարարները մասնակցում են ՄԱԿ-ի Մարդու իրավունքների խորհրդի 43-րդ նստաշրջանի բարձր մակարդակով հանդիպմանը:

Այս թեմայով
am