Գերմանիայում զինված հարձակման հետևանքով 5 թուրք է զոհվել

Փետրվարի 19-ի երեկոյան Գերմանիայի Հեսսեն քաղաքում գրեթե միաժամանակ զինված հարձակումներ են տեղի ունեցել երկու սրճարաններում։ Միջադեպի հետևանքով 11 մարդ է զոհվել, կան նաև վիրավորներ։

Զինված հարձակման զոհերի անուններն ու քաղաքացիությունը դեռ պաշտոնապես չի հրապարակվել, բայց ըստ թուրքական մամուլի՝ զոհվածներից 5-ը թուրքեր են։ Հայտնի է նաև, որ հարձակման թիրախ դարձած վայրերից մեկը նարգիլե –սրճանարն է, որը պատկանում է Թուրքիայի Քոնյա քաղաքից սերող մի թուրքի։

Հարավային Հեսսենի ոստիկանության հրապարակած տվյալների համաձայն՝ հարձակումը տեղի է ունեցել «Heumarkt» և «Kurt Schumacher» պողոտաների վրա գտնվող սրճարաններում։ Տեղական ժամանակով երեկոյան 10-ին գրանցված միջադեպից հետո ոստիկանությունը պարզել է հանցագործներից մեկի ինքնությունն ու հասցեն։

Ոստիկանության հատուկ ջոկատները մեկնել են տվյալ հասցե և այնտեղ 2 դի են հայտնաբերել։ Ըստ ոստիկանության տվյալների՝ մահացածները հարձակման մասնակից Տոբիաս Ռ․-ն ու նրա մայրն են։

Աղբյուրը՝ ermenihaber.am

Այս թեմայով
am