Երեւանում, փետրվարի 18-ին, արտակարգ դեպք է տեղի ունեցել. ժամը 21։50-ի սահմաններում «Սուրբ Աստվածամայր» բժշկական կենտրոնից ոստիկանության Արաբկիրի բաժին ահազանգ է ստացվել, որ «գոտկային շրջանի եւ ձախ թիկնային շրջանի կտրած-ծակած վերքեր» եւ «աջ աճուկային շրջանի կտրած-ծակած վերք» ախտորոշմամբ իրնց մոտ է տեղափոխվել 2 երեխա։ Shamshyan.com-ի հաղորդմամբ, ոստիկանները պարզել են, որ հիվանդանոց տեղափոխվածներն են Կոտայքի մարզի Նոր Հաճն քաղաքի բնակիչներ՝ 18-ամյա Գոռ Գ-ն եւ 17-ամյա Գուրգեն Ի-ն։ Հիվանդանոցում բժիշկները ոստիկաններին հայտնել են, որ վիրավորներից Գուրգեն Ի-ն ի վիճակի չէ կատարվածի մասին բացատրություն տալու, իսկ Գոռ Գ-ն գտնվում է վիրահատարանում։ Մինչ բժիշկները պայքարում էին վիրավորների կյանքի համար, ինչը նրանց հաջողվել է, Արաբկիրի ոստիկանները պարզել են, որ նշված անձինք հիվանդանոց են տեղափոխվել Փափազյան 8 հասցեում գործող «Ռիո Մոլ» առեւտրի կենտրոնից տարածքից։ Ոստիկաննները պարզել են, որ նույն օրը, ժամը 20։30-ի սահմաններում նշված առեւտրի կենտրոնին հարակից տարածքում Գոռ Գ-ի եւ Գուրգեն Ի-ի հետ անձնական հարցերի շուրջ վիճաբանել են Երեւան քաղաքի բնակիչներ՝ 16-ամյա Արման Ս-ն, 16-ամյա Ալբերտ Ս-ն, 16-ամյա Համլետ Մ-ն եւ 18-ամյա Մանուկ Մ-ն, որի ժամանակ, ըստ նախնական տեղեկությունների, Ալբերտ Ս-ն իր մոտ եղած սուր կտրող-ծակող առարկայով մարմնական վնասվածքներ է հասցրել Գոռ Գ-ին եւ Գուրգեն Ի-ին։ Աղբյուրի տեղեկություններով՝ նշված անձանցից Ալբերտ Ս-ն եւ Արման Ս-ն ներկայացվել են ոստիկանության Արաբկիրի բաժնի հետաքննչական բաժանմունքում, որտեղ կատարվածի մասին բացատրություն տալուց հետո բաց են թողնվել։ Արաբկիրի ոստիկանները ձեռնարկում են անհրաժեշտ միջոցառումներ՝ մյուս անձանց եւ հանցագործության գործիքը հայտնաբերելու ուղղությամբ։ Փաստի առթիվ հետաքննչական բաժանմունքում նյութեր են նախապատրաստվում։ Աղբյուրի տեղեկություններով՝ վիրավորները սովորում են Կոտայքի մարզի Նոր Գեղիի գյուղատնտեսական քոլեջում, իսկ կասկածյալներից Արման Ս-ն եւ Ալբերտ Ս-ն սովորում են «Հայբուսակ» համալսարանում։

Մարդու հասունության պահն սկսվում է այն ճշմարտությունը հասկանալուց, որ «ոգեւորությունից խայտառակություն կես քայլ է»: Այս մասին Facebook-ի իր էջում գրել է ԲՀԿ խմբակցության պատգամավոր Գեւորգ Պետրոսյանը:

«Հիմա հասկանում ե՞ք, թե ինչքան տհասներ են վխտում մեր կողքին, ում կուրացրել է ժամանակավոր հաջողությունը»,-նշել է նա:

Այս թեմայով
am