«Մարուքյանն ազատ շփվում է հայհոյող քաղաքացու հետ, բողոքում, որ իշխող ուժը անկեղծ չէ ատելության խոսքի դեմ իր պայքարում»

Պարոն Էդմքոն Մարուքյանն իր էջում տեղադրել է մի քաղաքացու մեկնաբանությունը լրատվականներից մեկի նյութի տակ. քաղաքացին այդ մեկնաբանությունում պարոն Մարուքյանին կոչում է «դավաճան»։ Այս մասին Facebook-ի իր էջում գրել է «Իմ քայլը» խմբակցության պատգամավոր Մարիա Կարապետյանը:

Նա, մասնավորապես, նշել է. «Պարոն Մարուքյանը կարծում է, որ դա իմ ելույթի հետեւանքն է։ Ես այսօր Ազգային ժողովում ելույթ եմ ունեցել Ազգային ժողովի նախագահի անաչառ արբիտր լինելու մասին։

Թեեւ ես կարծում եմ, որ քաղաքացու նման որակում օգտագործելը կապված է պարոն Մարուքյանի քաղաքական գործունեության հանրային ընկալումների հետ հատկապես 2018 թվականի փետրվար-մարտ ամիսներին, այնուամենայնիվ առցանց ծանոթացա քաղաքացու հետ եւ խնդրեցի հեռացնել այդ գրառումը։ Քաղաքացին համաձայնեց եւ հեռացրեց այդ գրառումը:

Մինչ ես զբաղվում էի այս շատ հատվածական, բայց ինձ համար կարեւոր հարցով, պարոն Մարուքյանի գրառման ներքո ծավալվում էր քննարկում, որտեղ պարոն Մարուքյանը անկաշկանդ շփվում է հայհոյանք օգտագործող մեր քաղաքացիներից մեկի հետ, բողոքում, որ կառավարող ուժը անկեղծ չէ ատելության խոսքի դեմ իր պայքարում եւ քաղաքացուն չի էլ ակնարկում, որ գուցե նույն բանը կարելի է ասել առանց հայհոյանքի։

Հուսով եմ, որ պարոն Մարուքյանը չի համարի, որ իմ այս գրառումը իր նկատմամբ ատելության խոսքի նոր ալիք կհրահրի։

 

Այս թեմայով
am