Գեորգի Կուտոյանի վերջին հանդիպումները. նոր մանրամասներ.hayeli.am

ԱԱԾ նախկին տնօրեն Գեորգի Կուտոյանի առեղծվածային մահվան հանգամանքները դեռեւս բացահայտված չեն: Զուգահեռ տարբեր վարկածներ են շրջանառվում՝ ինչպես, ինչու, ինչ, ինչ տրամադրություն է ունեցել կյանքի վերջին օրերին Կուտոյանը, ում հետ է շփվել, ի վերջո, ինչն է նրան դրդել ինքնասպանության: Մեզ նոր տեղեկություններ են հասել Կուտոյանի՝ կենդանության վերջին օրերի մասին: Մասնավորապես, որ նա եղել է բավական սթրեսային, ընկճված հոգեվիճակում: Հնարավորինս խուսափել է հանդիպումներից:

Բայցեւայնպես ընկերներից ոմանց հետ հանդիպել է, ոմանք փորձել են նրան դուրս բերել այդ վիճակից, բայց Կուտոյանը, մեղմ ասած, լուրջ անտարբեր է մնացել բոլոր առաջարկներին: Հանդիպել է նաեւ նախկին բարձրաստիճան պաշտոնյաներից մեկին: Կապ է հաստատել շատուշատ նախկինների հետ, որոնք հայտնվել են այսօրվա իշխանությունների թիրախում, Կուտոյանը ափսոսանքի զգացում է ունեցել : Որոշ հանդիպումների ժամանակ չի թաքցրել իր որոշ սխալներ` հատկապես կադրային քաղաքականության հարցում, առաջինը, որ Սերժ Սսարգսյանի մոտ բարեխոսել է ներկայիս գլխավոր դատախազ Արթուր Դավթյանի համար, ինչպես նաեւ բարձր պաշտոնի նշանակել ԱԱԾ բարձրաստիճան ներկայիս պաշտոնյաներից մեկին, ով այսօր Սերժ Սարգսյանի դեմ դոսիեներ է հավաքում:Մեզ տեղեկություններ են հասել նաեւ, որ Կուտոյանի հայրիկին հաջողվել է որդուց վերցնել զենքը եւ մի քանի օր այն պահել, թե ինչ հանգամանքներում է Գեորգի Կուտոյանը նորից հետ վերցրել իր ատրճանակը, մեզ հայտնի չէ:

 

Նյութի աղբյուր`hayeli.am

 

Այս թեմայով
am