Փաստը ցույց է տալիս, որ մենք գործ ունենք պարզ մանիպուլյացիայի հետ. Վարչապետը դիտել է Հ1-ի ռեպորտաժը ծննդկանի մասին և հետևություն արել

Կառավարության այսօրվա նիստում վարչապետ Նիկոլ Փաշինյանն անդրադառնալով ծննդատների փակմանը նշեց, որ երեկ Հանրային հեռուստաընկերության եթերում տեսել է ռեպորտաժ Աչաջրի ծննդատնից և պատմեց այդ ռեպորտաժը:

«Ինչ է պատմում այդ ռեպորտաժը, հարցազրույց են անում ծննդկանի հետ, որը Ոսկեպար գյուղից, այսինքն՝ գյուղից եկել է Աչաջուրում ծննդաբերելու, որը, ըստ չափանիշների, գտնվում է այն ծննդատների ցանկում, որոնք չեն համապատասխանում հետագա գործունեության համար չափանիշներին: Ոսկեպարը գտնվում է Նոյեմբերյանից 19 կիլոմետր հեռավորության վրա ու Նոյեմբերյանում կա ծննդատուն, շատ լավ վիճակում, նորոգված, լիարժեք հագեցված: Աչաջուր գյուղը Ոսկեպարից գտնվում է 25 կիլոմետր հեռավորության վրա, այսինքն՝ Նոյեմբերյան քաղաքն ու նրա ծննդատունն ավելի մոտ է Ոսկեպարին, քան Աչաջուրը, էլ չեմ ասում, որ Աչաջուրը Ոսկեպարից հեռու է 25.7 կիլոմետր, Իջևանից հեռու է 34.3 կիլոմետր: Հարց ՝ ինչո՞ւ է ծննդկանը նախընտրել ավելի երկար ճանապարհ գնալ ու ավելի վատ հագեցած ծննդատանը ծննդաբերել»,-ասաց նա:

Վարչապետը նշեց, որ այս ամենը ներկայացնելով՝ ցանկանում է ցույց տալ, որ հարցերը ինչպիսի մանիպուլյատիվ շահարկումների են ենթարկվում: «Այսինքն, եթե Ոսկեպարից ծննդկանը կարող է ավելի երկար ճանապարհ կտրել, ընդ որում, շնորհիվ այն բանի, որ ճանապարհները գտնվում են փայլուն վիճակում՝ ի տարբերություն 2018 թվականի: Փաստը ցույց է տալիս, որ մենք գործ ունենք պարզ մանիպուլյացիայի հետ»,-ասաց վարչապետը:

 

Այս թեմայով
am