Արայիկ Հարությունյանն իրեն քծնող չի համարում

Արցախի նախկին պետնախարար, «Ազատ Հայրենիք» կուսակցության ղեկավար եւ Արցախի նախագահի թեկնածու Արայիկ Հարությունյանը չի մեկնաբանում Հայաստանի երկրորդ նախագահ Ռոբերտ Քոչարյանի հայտարարությունն այն մասով, որ «Անընդունելի է Ղարաբաղում ունենալ քծնող նախագահ, ով հնազանդորեն տուրք է տալիս որեւէ մեկի, ներառյալ Հայաստանի վարչապետի, քմահաճույքներին: Այդ որակները հատուկ են տկար եւ թույլ անձերին, իսկ այդպիսի «առաջնորդությունը» կարող է աղետալի հետեւանքներ ունենալ Արցախի համար»:

Թե ում են հասցեագրված այս խոսքերը՝ Հարությունյանն առաջարկել է հարցնել հենց հեղինակին։

«Ինչ վերաբերում է քծնանքին։ Երբեք չեմ արել դա»,- ընդգծել է Հարությունյանը։ Նրա խոսքով՝ Հայաստանի նախկին իշխանությունների հետ հարաբերությունները նորմալ են եղել։ Ավելի ճիշտ՝ Հարությունյանը միանգամայն գոհ էր հարաբերությունների տնտեսական բաղադրիչից, բայց դժգոհ Ղարաբաղի վերաբերյալ քաղաքականությունից։

«Եվ ասել եմ այդ մասին»,- հավաստիացրել է Հարությունյանը՝ ավելացնելով, որ չի հակառակվել քաղաքականությանը, քանի որ գիտեր, որ ոչ մի իշխանություն չի կարող դեմ գնալ Արցախի ժողովրդի կամքին։

Այս թեմայով
am