Եվրոպացիների հետ կապերը «կպցրել» է հենց Արթուր Աղաբեկյանը, որի հետ առնչվող քրգործը կարճվել է

«Իրատես» թերթը գրում է. 

«Ասում են, թե իշխանությունները «մեծ մեղրամիսների» մեջ են այն գործարարների հետ, որոնք իրենց անվերապահ ընդունում են, «մուծվում» թե՛ «առաջին» տիկնոջ հիմնադրամներին, թե՛ մնացյալ բոլոր անհրաժեշտ գումարները ու «հանգիստ քնում»:

Օրերս հանրությունը «երկուսը՝ մեկում» նման մի միջոցառման ականատեսը եղավ «Սարտեքս» ընկերության ֆաբրիկայի բացման ժամանակ, որը դե յուրե պատկանում է ոչ անհայտ Սամվել Ալեքսանյանին, իսկ գործարանը դե ֆակտո աշխատեցնում է նույնքան ոչ անհայտ, ինչ-որ փուլում քրեական գործերով անցնող, «Մարտիկ» հիմնադրամի «տնօրեն» Արթուր Աղաբեկյանի որդին` Մխիթար Աղաբեկյանը:


Ասում են` ֆաբրիկայի հետ խիստ հայտնի եվրոպական ընկերությունների կապերը «կպցրել» է հենց Արթուր Աղաբեկյանը, որի հետ առնչվող քրեական գործը կարճվել է` ինչ-ինչ պատճառներով: Իսկ ֆաբրիկայի բացմանը ներկա էր անձամբ ինքը` Ալեքսանյանի ու Աղաբեկյանի նորահայտ «ցար ի բոգ» Նիկոլ Վովաեւիչը»:

Առավել մանրամասն՝ թերթի այսօրվա համարում

Այս թեմայով
am