‹‹‹‹Սանիթեքի›› հետ կապերի խզումը քաղաքը փրկել է աղբի ճգնաժամից››. Հակոբ Կարապետյան

Աղբահանության թեման  շարունակում է մնալ արդիական:

Վերջերս  քաղաքապետարանը խզեց իր կապերը ‹‹Սանիթեք››  ընկերության հետինչից հետո սկվսեց աղբահանության նոր գործընթաց:
Այս մասին  MegaNews.am զրուցեց  Երևանի քաղաքապետարանի մամուլի  քարտուղար Հակոբ Կարապետյանի հետ:
-Պարոն Կարապետյան, ինչպե՞ս  է ընթանում  աղբահանության գործընթացը:
-Աղբահանության  խնդիրն ըստ էության  լուծված է:  Քաղաքը ճգնաժամից դուրս է եկել և     սանիտարական մաքրման հիմնարկը բնականոն կերպով իր աշխատանքը կատարում է ու միաժամանակ  համալրվում է նոր ռեսուրսներով: Երբ մենք ասում ենք աղբի հարցը լուծվել է, ասում ենք ճգնաժամից դուրս գալու իմաստով, իսկ  ընդհանրապես դա շարունակական գործընթաց է, որը  պետք է անընդհատ բարելավել: Փողոցների մաքրության, աղբի տեսակավորման, վերամշակման հարցում նոր մոդելներ կիրառելու ուղղությամբ:

-Ինչքանո՞վ  է ‹‹Սանիթեքի›› հետ կապերի խզումը դրական անդրադարձել տվյալ հիմախնդրի կարգավորման համար:
-‹‹Սանիթեքի›› հետ կապերի խզումը քաղաքը  փրկել է  աղբի ճգնաժամից, ‹‹Սանիթեքը›› հատկապես վերջին ամիսներին ցույց տվեց, որ ի վիճակի չէ ընդհանրապես քաղաքի աղբահանության հարցում իր պարտականությունները կատարել և այնպիսի վիճակում չէ, որպեսզի կարողանա վերաֆորմատավորվել և շտկել մեջքը ու աշխատել, բնականաբար այս առումով ‹‹Սանիթեքի›› հետ կապերի խզումը միայն դրական ազդեցություն ունեցավ:

-Մոտ ապագայում, ի՞նչ անելիքներ եք պլանավորել:
-Ինչպես գիտեք ավելի քան 4000 նոր աղբաման տեղադրվել է, այդքան ևս  կտեղադրվի մոտ ապագայում և կներկրվեն արդեն պատվիրված 15 փոքր տարողությամբ մեքենաները: Աղբի տեսակավորման հարցում էլ ինչպես գիտենք սկսվել են ստվարաթղթի առանձին հավաքման գործընթաց և դա անընդհատ ավելի է ծավալվելու ու ընդգրկելու է նոր վարչական շրջաններ:

Մերի Գևորգյան

Այս թեմայով
am