«Այս պահին «Հարավկովկասյան երկաթուղի» ընկերության հետ պայմանագրի խզման հարց չկա». Մհեր Գրիգորյան

«Հարավկովկասյան երկաթուղի» ընկերության հետ լրիվ բնական և կոնստրուկտիվ հարաբերություններ են: Այս մասին, այսօր՝ հոկտեմբերի 9-ին, լրագրողների հետ զրույցում նշել է ՀՀ փոխվարչապետ Մհեր Գրիգորյանը՝ անդրադառնալով «Հարավկովկասյան երկաթուղի» ընկերության հետ կապված քրեական գործերին և երեկ ՀՀ վարչապետ Նիկոլ Փաշինյանի հետ ընկերության ղեկավարի հանդիպմանը:

«Երեկվա հանդիպմանը ես մասնակցել եմ, քննարկումների օրակարգն էր երկաթգծի ապագա զարգացումը եւ իրենց ռազմավարությունը: Այս պահին պայմանագրի խզման վերաբերյալ հարց ընդհանրապես չկա»,- ընդգծեց Մհեր Գրիգորյանը:


Հիշեցնենք, որ ՀՀ գլխավոր դատախազությունում քրեական գործ է հարուցվել «Հարավկովկասյան երկաթուղի» ՓԲԸ Գյումրու լոկոմոտիվային դեպոյում պաշտոնեական դիրքն օգտագործելով, մի խումբ անձանց կողմից նախնական համաձայնությամբ խոշոր և առանձնապես խոշոր չափերի գումարներ խարդախությամբ հափշտակելու և փաստաթղթեր կեղծելու առերևույթ հանցագործությունների դեպքերի առթիվ:

Այս թեմայով
am