Պետք է ամեն ինչ անել, որ ապաշնորհ և պրիմիտիվ մոտիվացիաներով իշխանությունը մեր պետականության նավն այս կարճ ժամանակում չտապալի․ Վիկտոր Սողոմոնյան

«Երբևէ այսքան առարկայական չի եղել ընդդիմության գործը և երբևէ ընդդիմության քաղաքագիտական ֆունկցիայի հետ ընդդիմության գործը չի համընկել ինչպես հիմա է։ Այդ ֆունկցիան է՝ չթողնել որպեսզի, իշխանությունը կամայականություններ գործի պետության ղեկի հետ, որպեսզի պետությունը վթարի մեջ չընկնի ու հարվածներ չստանա։

Դա առաջին խնդիրն է այսօրվա ընդդիմության, որը դեռ միավորված չէ, ֆորմատներ դեռևս չունի, համաձայնագրեր ու պայմանագրեր իրար մեջ չունի։ Թեկուզ ցանցային հատվածական կերպով, բայց պետք է պահպանի»,- Yerevan Today- ին տված հարցազրույցում ասել է ՀՀ երկրորդ նախագահ Ռոբերտ Քոչարյանի գրասենյակի ղեկավար, քաղաքագիտության դոկտոր Վիկտոր Սողոմոնյանը՝ պատասխանելով ընդդիմության անելիքի մասին հարցին։

Դիտարկմանը, որ՝ ընդդիմությունը միավորված չէ, սակայն արդեն առաջնորդի անուններ են նշվում․ օրինակ՝ «Ադեկվադ» կուսակցության նախագահն, ընդդիմության լավագույն առաջնորդ է համարել Միքայել Մինասյանին, Վիկտոր Սողոմոնյանն ասել է. «Նախևառաջ շնորհավորում եմ «Ադեկվադներին» ՝ կուսակցության հիմնադրման կապակցությամբ։

Նախագահ Քոչարյանը վերջին հարցազրույցում բավականին, առարկայական իր տեսլականը ներկայացրեց առ այն, որ ընդդիմությունը գուցե միանգամից չմիավորվի բայց լինելու են ձգողականության կենտրոններ որոնք ամեն մեկը իր հերթին իր աշխատանքն է կատարելու, թույլ չտալու համար, որ իշխանությունը պետության նավը կործանի։

Այնպես որ՝ շնորհավորում եմ նոր քաղաքական միավորին և բարի երթ մաղթում։

նչ վերաբերում է ընդդիմության առաջնորդի փնտրտուքին, պետք է ասեմ, որ դա վաղաժամ է, եթե չասեմ՝ չափազանց վաղաժամ։

Մենք ունենք ընդդիմադիր կենտրոններ և շարունակում ենք ընդդիմադիր կենտրոնների ձևավորման ականատեսը լինել և մենք առայժմ չունենք միավորումներ, չունենք լիդերների վերաբերյալ միասնական կարծիքներ։ Այսինքն այդ կենտրոններից յուրաքանչյուրն իր լիդերին է տեսնում, կամ ասենք՝ երկու-երեք կենտրոն միասնական իրենց լիդերին են տեսնում ընդհանրապես ընդդիմության առաջնորդ։

Այնպես որ՝ կարծում եմ խոսակցությունները չափազանց վաղաժամ են։ 

Պետք է աշխատել և պետք է կատարել այն ֆունկցիան որի մասին քիչ առաջ ասացի՝ ամեն ինչ անել որ ապաշնորհ և բավականին պրիմիտիվ մոտիվացիաներ ունեցող իշխանությունը մեր պետականության նավն այս կարճ ժամանակահատվածում չտապալի»:

Այս թեմայով
am