Երեկվա ֆուտբոլից հետո Բոսնիա և Հերցեգովինայի երկրպագուների միջև ծեծկռտուք է տեղի ունեցել. մանրամասներ

ArmDaily.am-ի տեղեկություններով երեկ Հայաստանի և Բոսնիա և Հերցեգովինա ֆուտբոլային հանդիպումից հետո բոսնիա-հերցեգովինացի երկրպագուների միջև ծեծկռտուք է տեղի ունեցել։

Ոստիկանության հասարակայնության հետ կապի և լրատվության վարչության բաժնի պետ Զարզանդ Գաբրիելյանը հայտնեց. «Սեպտեմբերի 8-ին ժ.20-ին ՀՀ ոստիկանության Երևան քաղաքի վարչության ՊՊԾ գնդի ծառայողները Չարենցի փողոցից բերման են ենթարկել Բոսնիա և Հերցեգովինայի երկու քաղաքացիների և զեկուցագիր ներկայացրել, որ նշված անձինք վիճաբանում և ձեռքերով փոխադարձ հարվածներ էին հասցնում միմյանց:

Նրանք հրաժարվել են հաղորդում տալուց և դատաբժշկական փորձաքննությունից:
Վերջիններս բաց են թողնվել: Նախապատրաստվում են նյութեր»։

Հիշեցնենք, որ երեկ Բոսնիա ևՀերցեգովինայի երկրպագուների մասնակցությամբ ևս մեկ միջադեպ էր գրանցվել՝ «Հանրապետական» մարզադաշտում։

Նշենք, որ Հայաստանի ազգային հավաքականը սեպտեմբերի 8-ին Երևանում անցկացնում էր ԵՎՐՈ-2020-ի ընտրական փուլի իր հերթական հանդիպումը, որն ավարտվեց 4։2 հաշվով՝ օգուտ տանտերերի։

Այս թեմայով
am