Ամաչում եմ, որ եղել եք իմ հայրենիքի վարչապետը․ Գեղարքունիքի մարզպետը՝ Բագրատյանին

Գեղարքունիքի մարզպետ Գնել Սանոսյանն արձագանքել է ՀՀ նախկին վարչապետ Հրանտ Բագրատյանի ֆեյսբուքյան գրառմանը, որում քննադատում էր նաև մարզպետին։ Սանոսյանը պնդում է, որ ամաչում է, որ Բագրատյանը Հայաստանի վարչապետ է եղել։

«Պարոն Հրանտ Բագրատյան.

Ես ամաչում եմ, որ Դուք մի քանի տարի եղել եք իմ հայրենիքի ՎԱՐՉԱՊԵՏԸ, բայց այդպես էլ չեք տարբերում, թե ՆԱԽԱՐԱՐՆ ինչ գործառույթներ ունի, իսկ ՄԱՐԶՊԵՏԸ՝ ինչ։

Հպարտությամբ նշում եք Որոտան-Արփա ջրատար թունելի կառուցման ու նրանով տարեկան 175 մլն մ³ ջուր Սևան տեղափոխման մասին, բայց այդ ամենից ճիշտ է մեկ բան, որ այդ թունելը կառուցվել է։ Իրականում մինչև այսօր ոչ մի կաթիլ ջուր Որոտանից չի հասել Սևան։ Կամ, եթե չգիտեք, թե ձկներն ինչով են սնվում, ապա պետք չէ դրանից խոսել։

Հ.Գ. Պետք է խոսել այն ոլորտներից, որին տիրապետում եք, իսկ ես շատ լավ կարծիք ունեմ Ձեր մասին՝ որպես լավ տնտեսագետի։

Հ.Գ. Օրինակ՝ ինձ չեք տեսնի ֆիզիկայից խոսելիս, այն ինչ չգիտեմ (Տարրական գիտելիքներից առավելի մասին է խոսքը), չեմ խոսում»,- իր ֆեյսբուքյան էջում գրել է մարզպետը։

 

Այս թեմայով
am