Տունը վերանորոգում ենք մայրիկիս անունով ձևակերպած վարկային միջոցներով. Էջմիածնի քաղաքապետ /տեսանյութ/

Էջմիածնի քաղաքապետ Դիանա Գասպարյանը Հանրային հեռուստաընկերության եթերից խոսել է Էջմիածնում կատարվող իրադարձությունների մասին:

Հաղորդավարի հարցին, թե ինչ է կատարվում Էջմիածնում, քաղաքապետը պատասխանել է, որ Էջմիածինը կարծես թրենդային է: Իր խոսքերով, պաշտոնին անցնելուց հետո զբաղվել է նախկին քաղաքապետի՝ Կարեն Գրիգորյանի հետքերը մաքրելով. խոսքը վերջինիս՝ տարբեր պաշտոններ զբաղեցնող և աշխատանքի չգնացող, բարեկամների մասին էր:

Դիանա Գասպարյանը պատասխանել է նաև իր ընտանիքի անդամների հասցեին ուղղված մեղադրանքներին, շեշտելով, որ ինքն աշխատում է բացառապես թափանցիկ, իսկ տունը վերանորոգում են իր մայրիկի անունով ձևակերպած վարկային միջոցներով:

Անդրադառնալով իր դեմ ուղղված ցույցերին՝ քաղաքապետն ասել է, որ Էջմիածնի համար դա նորմալ է, քաղաքը շատ խնդիրներ ունի և տարիներ են հարկավոր ամենը լուծելու համար:

Այս թեմայով
am