Մոսկվայում հորը դաժանաբար սպանած Խաչատուրյան քույրերը հրաժարվել են ժառանգությունից

Նախորդ տարվա ամռանը մոսկովյան բնակարաններից մեկում 57-ամյա հորը՝ Միխայիլ Խաչատուրյանին, դաժանաբար սպանած երեք քույրերը` Կրիստինա, Անգելինա, Մարիա Խաչատուրյանները, հրաժարվել են հոր ժառանգությունից:

Ինչպես հայտնում է govoritmoskva.ru-ն, այս մասին ասել է կրտսեր քրոջ փաստաբան Յարոսլավ Պակուլինը՝ նկատելով, որ աղջիկները սպանությունը շահադիտական նկատառումներից ելնելով չեն գործել:

«Բոլոր քույրերը հրաժարվել են ժառանգության ստացումից: Նրանք չեն հավակնում ստանալ ոչ բնակարանը, ոչ էլ որևէ ֆինանսական աղբյուր: Նրանք չեն ցանկանում որևէ ընդհանուր բան ունենալ ցանկացած բանի հետ, որն առնչություն ունի իրենց հոր հետ»,-ասել է փաստաբանը:

Այժմ աղջիկների փաստաբանները փորձում են այնպես անել, որ դատարանը նրանց տուժող կողմ ճանաչի և ընդունի, որ դա ինքնապաշտպանություն է եղել: Նշվում է, որ կենդանության օրոք հայրը տարիներ շարունակ բռնություն է գործադրել (այդ թվում նաև սեռական) դուստրերի նկատմամբ:

Այս թեմայով
am