Արմեն Աշոտյանը Արարատ Միրզոյանի հետ հանդիպում է նախաձեռնել

Հայաստանի Հանրապետական կուսակցության փոխնախագահ Արմեն Աշոտյանը և Ազգային ժողովի նախագահ Արարատ Միրզոյանը հանդիպել են: Այս մասին տեղեկանում ենք Արմեն Աշոտյանի՝ «Ֆեյսբուքում» կատարած գրառումից:

Հանդիպումից հետո ՀՀԿ փոխնախագահը ֆեյսբուքյան գրառմամբ ներկայացրել է ԱԺ նախագահի հետ ունեցած հանդիպման նպատակն ու քննարկված հարցերի շրջանակը:

Ներկայացնում ենք գրառումն ամբողջությամբ.

«Ի արձագանք այսօր մամուլում հրապարակված տեղեկատվությանը հայտնում եմ, որ՝

1. Իմ նախաձեռնությամբ հանդիպել եմ ԱԺ նախագահ Արարատ Միրզոյանի հետ:

2. Հանդիպումը նվիրված էր Հայաստանի արտաքին քաղաքականության և խորհրդարանական դիվանագիտության մի շարք հարցերին: Առավել մանրամասն, հասկանալի պատճառներով, ներկայացնելու կարիք չկա:

3. Հանդիպման ընթացքից և արդյունքներից գոհ եմ:

4. Հանդիպումը գաղտնի չէր, ԱԺ-ում գաղտնի հանդիպումներ չեն լինում, առնվազն մի քանի տասնյակ մարդ տեսնում է: Այսօրվա արտահոսքը դրա վկայությունն է:

5. Անկախ քաղաքական տարաձայնություններից կան պետական և ազգային կարևորության հարցեր, որոնց հետ կապված «ուսադիրներս» ոչ միայն ներում են գործող իշխանության հետ քննարկել երկրի համար արդիական հարցեր, այլևս պարտադրում են շարունակել ծառայությունս Հայրենիքին»:

Այս թեմայով
am