Մեր կառավարությունը չի պատրաստվում իշխանությունը պահել ամեն գնով. Փաշինյան

Կառավարությունը և հասարակությունը գործընկերներ են: Այս մասին ԵՊՀ-ում դասախոսների և ուսանողների հետ հանդիպմանը խոսեց ՀՀ վարչապետ Նիկոլ Փաշինյանը:

«Կառավարությունը և հանրությունը գործընկերներ են, որոնք ընդհանուր խնդիրը ձևակերպում են քաղաքական մակարդակում և կատարում են աշխատանքի բաժանում: Ինձ համար, օրինակ` վարչապետի կարգավիճակը նույնպիսի աշխատանք է, ինչպիսին ֆակուլտետի դեկանի, ռեկտորի աշխատանքը, ընկերության մենեջերի կամ առաքիչի աշխատանքը: Դա ընդամենը դերաբաշխում է հանրության շրջանում, որտեղ հնարավորությունները հավասարապես բաշխված են: Այստեղից էլ քաղաքական հետևություններ են բխում»,- ասաց վարչապետը:

Փաշինյանի խոսքով՝ այս կառավարությունը նպատակ չունի ամեն կերպ պահել իշխանությունը:

«Մեր կառավարությունը չի պատրաստվում իշխանությունը պահել՝ վա´յ, հազիվ ձեռքներս է ընկել, հիմա ո՞ւմ պետք է խփենք, ո՞ւմ նստացնենք, ո՞ւմ բիզնեսը խլենք, այդ խլած բիզնեսն ում տանք, որ իշխանությունը պահենք: Երեկ խմբագիր էի, հետո պատգամավոր, հիմա էլ վարչապետ, վաղն ուրիշ աշխատանք կլինի: Կառավարության արքայական գահի ընկալումը ամենամեծ խնդիրներից է, որ այսօր կա»,- ասաց նա:

 

Այս թեմայով
am