Քենեդու սպանության մեջ ինձ կասկածնելն ավելի հիմնավոր կլիներ, քան կոռուպցիայի հետ կապ ունենալը. Սանասարյան

ՊՎԾ պետ Դավիթ Սանասարյանը, որի լիազորությունները երեկ ժամանակավորապես դադարեցրին և ԱԱԾ-ն նրան մեղադրանք առաջադրվեց, իր ֆեյսբուքյան էջում գրառում է կատարել և նշել, որ ստեղծված իրավիճակից բոլորը ցանկանում են օգտվել.

«Խորհուրդ ու խնդրանք

Հիմա պղտոր ջրում ձուկ բռնողների մի մեծ բանակ կա. նախկին իշխանության քարոզիչներն, իբր ինձ պաշտպանելով, փորձում են իշխանությանը թուլացնելու իրենց մարմաջը բավարարել։ Բոլոր դեպքերում տեղեկատվական տարատեսակ տարափի պայմաններում մի պահ կանգ առեք և հիշեք, որ պետական շահը գլխավորն է։

Սիրելիներ ջան, գոտեպնդված ու միևնույն ժամանակ համեստացած եմ ձեր մեծ վստահության մթնոլորտում։

Հ.Գ. Քենեդու սպանության մեջ ինձ կասկածնելն ավելի հիմնավոր կլիներ, քան կոռուպցիայի հետ կապ ունենալը։

Սիրում եմ բոլորիդ»,- գրել է Սանասարյանը:

Հիշեցնենք` ԱԱԾ-ն երեկ Դավիթ Սանասարյանին մեղադրանք է առաջադրել: Վերջինիս նկատմամբ որպես խափանման միջոց է կիրառվել չհեռանալու մասին ստորագրությունը:

Նախաքննությունը շարունակվում է, միջոցներ են ձեռնարկվում գործի հանգամանքների բազմակողմանի, լրիվ և օբյեկտիվ հետազոտումն ապահովելու նպատակով:

Այս թեմայով
am