Սելին Դիոնը տարեվերջին նոր ալբոմ կթողարկի

Հայտնի երգչուհի Սելին Դիոնը հայտնել է, որ տարեվերջին նոր ալբոմ կթողարկի, ինչպես նաև կմեկնի վերջին տասը տարվա մեջ Հյուսիսային Ամերիկայի տարածքում առաջին շրջագայությանը:

Ինչպես նշում է Daily Mail-ը, 51-ամյա աստղը, որը վերջին տասը տարում հիմնականում համերգներ է կազմակերպել լասվեգասյան Caesars Palace-ում, երկրպագուներին ասել է, որ կրկին ճանապարհ ընկնելու ցանկություն ունի:

«Այնքան երախտապարտ եմ բոլոր երկրպագուներիս, որոնք երկար տարիներ եկել են Լաս Վեգաս՝ իմ համերգներին ներկա լինելու համար: Իսկ այժմ ես նոր շոու ստեղծելու և այն Հյուսիսային Ամերիկա, ամբողջ աշխարհ տանելու հնարավորություն ունեմ»,-ասել է Դիոնը:

Աստղը հավելել է, որ շատ ոգևորված է նոր ալբոմի և շրջագայության լուրերով:

Այս թեմայով
am