Իտալիայի փոխվարչապետը Մադուրոյին հանցագործ է անվանել

Իտալիայի փոխվարչապետ, ներքին գործերի նախարար Մատեո Սալվինին Վենեսուելայի նախագահ Նիկոլաս Մադուրոյին «հանցագործ» է անվանել և հուսով է, որ Մադուրոն շուտով կհեռանա պաշտոնից:

«Որպես իտալացի և որպես հայր, որը հնարավորություն է ունեցել ծանոթանալու Վենեսուելայից Իտալիա փախած բազմաթիվ իտալացիների ու վենեսուելացիների հետ, ես հույս ունեմ, որ այս հանցագործը հնարավորինս շուտ կհեռանա, քանի որ խոսքն իսկապես հանցագործի մասին է», – ասել է Սալվինին:

Նա նաև նշել է, որ անհրաժեշտություն չկա զինված ներխուժում կատարել Վենեսուելա և դա վերջին բանն է, որ պետք կլինի անել:

Նշենք, որ ավելի վաղ Թրամփը կոչ է արել վենեսուելացի պաշտոնյաներին ու զինվորականներին հրաժարվել պաշտպանել Մադուրոյին և ընդունել Խուան Գուաիդոյի համաներման առաջարկը, այլապես նրանք «կկորցնեն ամեն ինչ»:

 

Այս թեմայով
am