Նաիրա Զոհրաբյանն ահազանգում է

ՀՀ Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանն ահազանգում է, որ «շտապօգնությունը» հրաժարվում է հիվանդներին տեղափոխել հիվանդանոց՝ բժշկական կենտրոնների գերհագեցվածության պատճառով:

Այս մասին Ն. Զոհրաբյանն ասաց այսօր՝ փետրվարի 11-ին, տեղի ունեցած հանձնաժողովի նիստի ընթացքում:

«Վերջին 10 օրում ես անընդհատ ահազանգեր եմ ստանում տարբեր քաղաքացիներից, որոնք դիմում են «շտապ օգնություն», «շտապ օգնությունը» գալիս է ու կատեգորիկ հրաժարվում թոքային և շնչառական ծանր հիվանդություն ունեցող քաղաքացիներին տեղափոխել հիվանդանոց: Պատճառաբանությունը հետևյալն է՝ զանգահարեք, եթե տեղ կա, կտեղափոխենք, հիվանդանոցները գերհագեցած են, և չտեղափոխելու պայմանավորվածություն ունենք: Ես փորձեցի այս տեղեկությունը ճշտել, պարզվեց, որ ճիշտ է»,- ասաց նա՝ հույս հայտնելով, որ ՀՀ առողջապահության նախարար Արսեն Թորոսյանը խնդրին տեղյակ է։

Հորդորեց նախարարին քայլեր ձեռնարկել խնդրի լուծման ուղղությամբ: 

Այս թեմայով
am