Zham.am-ը ներկայացնում է Ազգային Ժողովի նորընտիր փոխնախագահների ունեցվածքը՝ ըստ բարձրաստիճան անձանց էթիկայի հանձնաժողով ներկայացրած հայտարարագրի: 

Լենա Նազարյանի ունեցվածքը՝

Ընտրություններից առաջ Կենտրոնական ընտրական հանձնաժողով ներկայացրած մեկ տարվա ունեցվածի և գույքի հայտարարագրում Լենա Նազարյանը գրանցել է Նորք Մարաշում գտնվող 90 քմ մակերեսով 1 բնակելի տուն, Առինջ գյուղում գտնվող 95 քմ մակերեսով 1 բնակարան և հողամաս:

Անշարժ գույքը Լենա Նազարյանը տնօրինում է համասեփականության իրավունքով:

Նազարյանի եկամուտները կազմել են 5 մլն 544 հազար դրամ, որը գոյացել է պատգամավորական աշխատավարձից:

Դրամական միջոցները կազմել են 500 հազար դրամ:

Բարձրաստիճան պաշտոնատար անձանց էթիկայի հանձնաժողով ներկայացրած պաշտոնի ստանձման հայտարարագրում, որը ներկայացվել է 2017 թվականի հունիսի 1-ին, Լենա Նազարյանը գրանցել է 1 բնակելի տուն և 1 մլն դրամ:

Ս/թ մարտի 30-ին ներկայացված տարեկան հայտարարագրում Նազարյանը գրանցել է 1 մլն դրամ դրամական միջոց և 28 մլն 192 հազար դրամ եկամուտ, որը գոյացել է հետևյալ կերպ՝

24 մլն 480 հազար դրամ ստացված փոխառություններ,

3 մլն 712 հազար դրամ աշխատանքի վարձատրություն:

2017 թվականին Նազարյանը 27 մլն 200 հազար դրամով ձեռք է բերել 1 բնակարան:

Լենա Նազարյանի ամուսինը՝ Նարեկ Բաբայանը, ով Մտավոր սեփականության գործակալության գյուտերի և օգտակար մոդելների բաժնի ավագ մասնագետ-փորձագետ է, 2017 թվականին ունեցել է գրեթե նույն եկամուտներն ու դրամական միջոցները, ինչ կինը:

Դրամական միջոցները կազմել են 1 մլն դրամ, իսկ եկամուտները 27 մլն 480 հազար դրամ, որը գոյացել է հետևյալ կերպ՝

24 մլն 480 հազար դրամ ստացված փոխառություններ,

3 մլն աշխատանքի վարձատրություն:

Բաբայանի հայտարարագրում նշված է, որ նա 2017 թվականին 27 մլն 200 հազար դրամով ձեռք է բերել 1 բնակարան:

Ալեն Սիմոնյանի ունեցվածքը

Ալեն Սիմոնյանը 2018 թ. դեկտեմբերի 9-ին կայացած խորհրդարանական ընտրություններին առաջ ԿԸՀ է ներկայացրել գույքի և դրամական միջոցների վերջին մեկ տարվա հայտարարագիրը՝ 2017 թ-ի նոյեմբերի 1-ից, 2018 թ-ի նոյեմբերի 1-ը հաշվետու ժամանակահատվածով:

Այսպես, Ալեն Սիմոնյանը հաշվառված է Աբովյան 62, 6 հասցեում, բնակվում է Արամի 72, 29 հասցեում:

Որպես անշարժ գույք՝ Սիմոնյանը հայտարարագրել է 78 քմ մակերեսով 1 բնակարան, որը գտնվում է Եկմալյան 1/1, 76 հասցեում: Բնակարանը Սիմոնյանին պատկանում է համասեփականության իրավունքով:

Որպես շարժական գույք՝ Սիմոնյանը գրանցել է 2012 թ-ի Range Rover Evoque մոդելի ավտոմեքենա:

1 տարվա ընթացքում Սիմոնյանը ստացել է հետևյալ եկամուտները՝

722 հազար 050 դրամ՝ աշխատավարձ Մեդիա Նյուզ ՍՊԸ-ից

2 մլն 766 800 դրամ՝ պատգամավորական աշխատավարձ,

14 մլն դրամ՝ փոխառություններ Հայէկոնոմ բանկից:

Եկամուտների ընդհանուր հանրագումարը՝ 17 մլն 488 հազար 850 դրամ:

Դրամական միջոցները կազմել են՝

2 մլն 560 հազար դրամ,

18 հազար 500 դոլար:

Նշենք նաև, որ բարձրաստիճան պաշտոնատար անձնաց էթիկայի հանձնաժողով ներկայացրած հայտարարագրում Սիմոնյանը գրանցել է նաև 50 000 դրամ արժողությամբ 1 բաժնեմաս, որը ԿԸՀ ներկայացրած հայտարարագրում նշված չէ:

Վահե Էնֆիաջյանի ունեցվածքը՝

2017 թվականի տարեկան հայտարարագրում Վահե Էնֆիաջյանը գրանցել է հասարակական նշանակության երկու շինություն:

Դրամական միջոցները կազմել են՝

6 մլն 800 հազար դրամ,

1 500 եվրո,

5 200 դոլար:

Եկամուտները կազմել են 2 մլն 101 հազար 20 դրամ, որը գոյացել է աշխատանքի վարձատրությունից:

2017 թվականի պաշտոնի ստանձման հայտարարագրում Վահե Էնֆիաջյանը գրանցել է հետևյալ դրամական միջոցները՝

8 մլն 450 հազար դրամ,

8 հազար 700 դոլար,

4 հազար 500 եվրո:

Եկամուտները կազմել են 6 մլն 964 510 դրամ, որը գոյացել է աշխատանքի վարձատրությունից:

2016 թվականի հայտարարագրում ևս գրանցված են միայն դրամական միջոցներ և եկամուտներ:

Դրամական միջոցները կազմել են

5 մլն 400 հազար դրամ, 
7 հազար 400 դոլար, 
2 հազար 500 դոլար:

Եկամուտները կազմել են 6 մլն 575 հազար 180 դրամ, որը գոյացել է աշխատանքի վարձատրությունից:

Պատգամավորի կինը՝ Ֆրիդա Էնֆիաջյանը 2017 թվականի հայտարարագրում գրանցել է հետևյալ դրամական միջոցները

3 մլն 900 հազար դրամ,

4 000 դոլար:

Էնֆիաջյանի մայրը՝ Անահիտ Կարապետյանը 2017 թվականի հայտարարագրում գրանցել է 1 մլն 926 հազար դրամ եկամուտ, որը գոյացել է հետևյալ կերպ՝

1 մլն 350 հազար դրամ՝ աշխատանքի վարձատրություն,

576 հազար դրամ՝ կենսաթոշակ:

2016 թվականի հայտարարագրում Անահիտ Կարապետյանը գրանցել է 1 մլն 728 հազար դրամ եկամուտ, որից 1 մլն 8 հազար դրամը գոյացել է աշխատանքի վարձատրությունից, 720 հազար դրամը այլ եկամուտներից: