Քարոզչական պաստառներ՝ ընտրական կենտրոնների մոտ. ժամը 10.00-ի դրությամբ «Անկախ դիտորդ»-ի արձանագրած խախտումները

«Անկախ դիտորդ» կազմակերխպությունը ներկայացրել է ժամը 10.00-ի դրությամբ իր արձանագրած խախտումները:

Մասնավորապես, Գեղարքունիքի մարզի Սևան քաղաքի 20/05, Վանաձորի 23/54 եւ 23/53, Շիրակի մարզի Փանիկ գյուղի 33/20 տեղամասային ընտրական կենտրոններին մոտ քարոզչական պաստառներ են փակցված:

Լոռու մարզի Լեռնանցք գյուղի 22/26 տեղամասային ընտրական կենտրոնում բացակայել են «Իմ քայլը» դաշինքի քվեաթերթիկները. մինչեւ Տարածքային ընտրական հանձնաժողովից քվեաթերթիկների ստանալը քվեարկությունը դադարեցված է եղել:

Կոտայքի մարզի Արգել գյուղի 27/33 տեղամասային ընտրական կենտրոնում քվեարկող զինծառայողները քվեաթերթիկներն ստանալուց հետո արդեն իսկ հերթի մեջ առանձնացնում են «Իմ քայլը» դաշինքի քվեաթերթիկը: «Անկախ դիտորդ» դաշինքի ներկայացուցիչները զգուշացրել են հանձնաժողովի նախագահին, որ հայտարարություն անի դրա մասին եւ կանխի մինչ քվեախցիկ մտնելը քվեաթերթիկների առանձնացումը:

2 դեպքում դիտորդներին չեն թույլատրել լուսանկարել գրանցամատյանի իրենց հետաքրքրող մասը, սակայն Տարածքային ընտրական հանձնաժողով ահազանգելուց հետո խնդիրը վերացվել է:

Այս թեմայով
am