Բացառվում է, որ ԲՀԿ-ն երբևէ ընտրակաշառք բաժանած լինի․ Ծառուկյանը քվեարկեց(տեսանյութ)

ԲՀԿ առաջնորդ, ԲՀԿ ընտրական ցուցակը գլխավորող Գագիկ Ծառուկյանին չեն գոհացրել նախընտրական դեբատները:

«Դեբատներից գոհ չեմ, որովհետև ամբողջ աշխարհն այդ օրը սպասում էր, որ պետք է կուսակցության ղեկավարները լիարժեք ներկայացնեն իրենց ծրագրերը ոչ թե գեղեցիկ խոսքերով, այլ ամեն կուսակցության ղեկավար ասի, թե ամեն ոլորտում ինչ է անելու: Թե չէ ճոխ խոսել բոլորն էլ կարող են՝ զարգացնելու են, ծաղկեցնելու են, գործազրկություն չի լինելու… բայց ինչի հիման վրա: Պետք է կետ առ կետ ասեին: Միայն եղավ, որ մեկը մեկի վրա ուզում ա ցեխ շպրտի ու մեկը մեկի հաշվին դիվիդենտ շահի», - լրագրողների հետ զրույցում ասել է Ծառուկյանը՝ չցանկանալով խոսել ձայների հավանական քանակ ստանալու մասին:

Ծառուկյանը նաև բացառեց, որ ԲՀԿ-ն երբևէ ընտրակաշառք բաժանած լինի՝ հիշեցնելով, որ դեռևս քաղաքապետի ընտրությունների ժամանակ նման հայտարարություններից հետո, երբ ԲՀԿ ներկայացուցիչներին տարել էին բաժիններ, ոչինչ չէր ապացուցվել:

Այս թեմայով
am