Սա լինելու է Հայաստանի պատմության մեջ աննախադեպ ընտրություն. Վանեցյան

Ես նշել եմ, որ սա լինելու է Հայաստանի պատմության մեջ արդար եւ աննախադեպ ընտրությունները, որի մեջ կհամոզվեք մի քանի ժամ հետո։ Այս մասին այսօր՝ դեկտեմբերի 9-ին, ԱԺ ընտրություններում քվեարկելուց հետո լրագրողների հետ զրույցում նշեց ԱԱԾ տնօրեն Արթուր Վանեցյանը:

«Քվեարկել եմ հանուն ազատ եւ անկախ Հայաստանի, որտեղ քաղաքացին է որոշելու՝ ով է լինելու իր իշխանությունը»,-ասաց նա:

Վանեցյանի խոսքով, այս պահին ողջ Հանրապետության տարածքում օպերատիվ իրավիճակը վերահսկվում է, ոչ մի արտառոց դեպքեր տեղի չեն ունեցել. «Բոլոր տեղամասերը ժամին բացվել են, եղել են 1-2 դեպքեր, որ հոսանքազրկված են եղել, սակայն շատ արագ շտկվել են այդ հարցերը։ Այս պահին ընտրության ընթացքը նորմալ է եւ համոզված եմ, որ լինելու է նույն ձեւ»:

Անդրադառնալով ընտրակաշառքներին, Վանեցյանն ասաց. «Ընտրակաշառքի վերաբերյալ այս պահին որեւէ տեղեկություն չունենք, բայց բոլոր օպերատիվ ծառայություններ աշխատում են։ Եթե կլինի հանկարծակի ընտրակաշառքի դեպք, հավատացեք, որ թե մենք, թե ոստիկանությունն անմիջապես կարձագանքենք»։

Այս թեմայով
am