«Վաղը Հայաստանում կսկսվի նոր քաղաքական տարի». ռուս բլոգերը հաղորդում է պատրաստել ՀՀ ԱԺ ընտրության մասին

Ռուս բլոգեր Ալեքսեյ Ռոմանովն արտահերթ խորհրդարանական ընտրության նախորդ օրը տեսանյութ է նկարահանել Երևանում՝ պատմելով հետհեղափոխական Հայաստանի մասին:Բլոգերն ասում է, որ 7 ամիս առաջ Երևանի Հանրապետության հրապարակում բազմահազարանոց բողոքի ցույցեր եղան, որոնց արդյունքում իշխանությունը ստիպված եղավ հրաժարական տալ, իսկ խորհրդարանը վարչապետ ընտրեց Նիկոլ Փաշինյանին: Ապա բլոգերը պատմում է, թե ինչ է փոխվել 7 ամիսների ընթացքում, ինչպես է զարգանում տնտեսությունը, ինչպես են աշխատում հարկային և մաքսային մարմինները:

Ալեքսեյ Ռոմանովն անդրադարձել է նաև քաղաքական իրադարձություններին՝ հիշեցնելով, որ ընտրությունից 2 օր առաջ երկրորդ անգամ կալանավորվել է ՀՀ երկրորդ նախագահ Ռոբերտ Քոչարյանը: «Ես հույս ունեմ, որ սա քաղաքական ճնշման միջոց չէ»,-ասում է ռուս բլոգերը:

«Վաղը Հայաստանում կսկսվի նոր քաղաքական տարի»,-հաղորդումն ավարտում է Ալեքսեյ Ռոմանովը:

 

Այս թեմայով
am