պ/պ ուղեգրումը ստանալու պայմաններում քաղաքացին կարող է ազատորեն ընտրել իրեն բուժող բժշկական կենտրոնը և բժիշկին

meganews.am լրատվականը Երևանի քաղաքապետարանի Առողջապահության վարչության գլխավոր մասնագետ Ռուզաննա Մաթևոսյանի հետ զրույցում պարզեց, որ մայրաքաղաքի բնակչությանը պ/պ հարցով օժանդակելու, Երևանի քաղաքապետարանում առկա գործնական հնարավորությունները սուղ են:

Պարզվեց, բոլոր այն մարդիկ ովքեր չունեն իրենց անապահովության մասին փաստաթղթավորված հաստատում, բուժօգնություն ստանալու առումով շարունակում են ունենալ խիստ սահմանափակ հնարավորություններ:

Փաստացի, օգնություն կարող են ակնկալել 65-ից բարձր անձինք՝ համաձայն Երևանի քաղաքապետարան կայացված դիմումի, անձնագրի պատճենի և ամբուլատոր քարտի քաղվածքի կամ բժշկի կողմից տրված տեղեկանքի ՝ պահանջվող բուժման մասին:

Եթե օգնություն ակնկալող անձն այս տարիքային խմբում չէ, ապա իր անվճարունակության հաստատում կարող է համարվել միջնորդագիրը՝ տրված իր վարչական շրջանի ղեկավարի գրությամբ, որը հարկավոր է ներկայացնել Երևանի քաղաքապետարանում համապատասխան դիմումի ձևը լրացնելուց, անձնագրի պատճենի և ամբուլատոր քարտի քաղվածքի կամ տեղեկանքի հետ մեկտեղ: Իսկ անապահովության հստակ կարգավիճակ ունեցողները ու հատուկ խմբերում ընդգրկվածները պետական պատվերի ուղեգիրը ստանում են պոլիկլինիկայից, այլ դեպքերում կարող են անմիջապես իրենց դիմումի, անձնագրի պատճենի և ամբուլատոր քարտի քաղվածքի կամ տեղեկանքի հետ քաղաքապետարան ներկայացնել նաև սոցիալական անապահովությունը հաստատող փաստաթուղթը: Բոլոր դեպքերում պ/պ ուղեգրումը ստանալու պայմաններում քաղաքացին կարող է ազատորեն ընտրել իրեն բուժող բժշկական կենտրոնը և բժիշկին:

 

Այս թեմայով
am