Տեղեկացա, որ ընտրական պաստառս պատռել են «Իմ քայլ»-ի համակիրները. Շարմազանով

ՀՀԿ ցուցակով պատգամավորի թեկնածու առաջադրված Էդուարդ Շարմազանովը ֆեյսբուքյան իր էջում լուսանկար է հրապարակել, որում  երևում է, թե ինչպես են իր նախընտրական գովազդային մեծ վահանակը պատռել։ Էդուարդ Շարմազանովն այս մասին գրառում է արել, որը ներկայացնում ենք ամբողջությամբ:«Այս խորհրդարանական ընտրությունների քարոզչությունն աննախադեպ է…

Ատելության քարոզի, անհանդուրժողականության, մայմունիզմի չափաբաժինը, որ երկրի ղեկավարը տալիս է հանրությանը, անցած 30 տարիների պատմության ընթացքում երբևէ չի եղել:

Տեղեկացա, որ ընտրական պաստառս պատռել են «Իմ Քայլ»-ի համակիրները: Տղաներ և աղջիկներ, թուլացեք, ձեզ պատերով մի տվեք: 
Մեղկ եք:
Ամիսներ առաջ ձեր առաջնորդներն էլ էին սև լենտերով հողը վրաս թեթև արել: Ինչպես տեսնում եք՝ իմ մահվան մասին լուրերը չափազանցված են: Այ ձեր Homo sapiens-ի հետ աղերսներ ունենալու մասին վարկածը, ցավոք, հերքվեց:

Անկեղծ՝ խղճում եմ ձեզ»,- գրել է Էդուարդ Շարմազանովը:

 

Այս թեմայով
am