Հումորային ժանրի դերասան Քևին Հարթը կվարի 2019թ. «Օսկար» մրցանակաբաշխությունը, որը տեղի է ունենալու փետրվարին:
 

 

Реклама 04

Ինչպես նշում է The Guardian-ը, Հարթն այս կապակցությամբ ինստագրամյան գրառում է արել:

«Այնքան երջանիկ եմ հայտարարել, որ վերջապես եկավ այն օրը, երբ ինձ է վստահվել «Օսկար»-ը վարելը»,-գրել է նա:

Երեսունիննամյա դերասանը խոստովանել է, որ դա իր նպատակներից մեկն է:

Պարբերականը նկատում է, որ ծագումով աֆրոամերիկացի Հարթի ընտրությունը պատահական չէ, քանի որ վերջին տարում «Օսկար»-ի կազմակերպիչներին մեղադրել են սևամորթների նկատմամբ խտրական վերաբերմուքի համար:

«Օսկար»-ի թեկնածուների անունները կհրապարակվեն հունվարի 22-ին, մինչդեռ մրցանակաբաշխությունը կկայանա փետրվարի 24-ին: