ՌԴ-ն պատրաստ է ապահովել Հայաստանի անվտանգությանը ցանկացած ռազմական ագրեսիայի դեպքում. Յուրի Շվիտկին

Ռազմական ագրեսիայի դեպքում Ռուսաստանը պատրաստ է ապահովել Հայաստանի անվտանգությունը: Նման հայտարարությամբ է հանդես եկել ՌԴ Պետդումայի պաշտպանության և անվտանգության կոմիտեի փոխնախագահ Յուրի Շվիտկինը՝ մեկնաբանելով ՀՀ պաշտպանության նախարարի պաշտոնակատար Դավիթ Տոնոյանի՝ Հայաստանի անվտանգության ապահովման գործում Ռուսաստանի դերի մասին հայտարարությունը:

«Հայաստանը ԵԱՀԿ անդամ է: Այս երկրի հետ մենք ջերմ ու կառուցողական կապեր ունենք, այդ թվում՝ ռազմատեխնիկական՝ չխոսելով այն մասին, որ ռուսներն ու հայերը եղբայրական ազգեր են: Մենք համատեղ պատասխանատվություն ենք կրում ԵԱՀԿ կազմի մեջ մտնող երկրների անվտանգության ապահովման համար ու պատրաստ ենք հակազդել ցանկացած ագրեսիվ ուժի՝ անկախ նրանից, թե այն որտեղից կգա»,- ասել է նա:

Ավելի վաղ ՀՀ պաշտպանության նախարարի պաշտոնակատար Դավիթ Տոնոյանը հայտարարել էր, որ Ռուսաստանի ԶՈւ-ն և ռուս սահմանապահները կարևոր դեր են կատարում Հայաստանի անվտանգության ապահովման գործում:

Այս թեմայով
am