Փայլանը մեջլիսում խոսել է հայ-թուրքական սահմանի բացման անհրաժեշտության մասին

Թուրքիայի ազգային մեծ ժողովի (ԹԱՄԺ-TBMM) հայ պատգամավոր, ընդդիմադիր, քրդամետ «Ժողովուրդների դեմոկրատական կուսակցության» (ԺԴԿ-HDP) անդամ Գարո Փայլանը Թուրքիայի 2019 թ. պետական բյուջեի քննարկման ժամանակ խոսել է հայ-թուրքական սահմանի փակ լինելու մասին։

Այս մասին հայտնում է Ermenihaber.am-ը։«Եթե սահմանը բաց լինի, հարաբերությունները կզարգանան, մարդիկ ավելի շատ կգնան-կգան, և եթե խնդիրներ ունենք, կլուծենք դրանք։ Այս պատճառով կարծում ենք, որ նոր գործընթաց սկսելու անհրաժեշտություն կա»,- ասել է Փայլանը:

Ելույթում Փայլանն անդրադարձել է նաև երկրի ներքին սոցիալական խնդիրներին՝ նշելով, որ Թուրքիայում գնալով ավելանում է աղքատությունը, մարդկանց գնողունակությունը նվազում է և երկիրը գտնվում է դժվար կացության մեջ։  

Այս թեմայով
am