Նիգերի նախագահի ելույթը՝ Ֆրանկոֆոնիայի գագաթնաժողովին

Նիգերը ֆրանկոֆոնիայի ակունքն է, ամեն ինչ արել է Ֆրանկոֆոնիայի կազմակերպության զարգացման և պահպանման համար: Այս մասին Ֆրանկոֆոնիայի գագաթնաժողովին իր ելույթում ասաց Նիգերի նախագահ Մահամադու Իսուֆուն:

«Ֆրանկոֆոնիայի միջազգային կազմակերպությունը երկրորդ ամենամեծ կազմակերպությունն է ՄԱԿ-ից հետո»,-ասաց նա:

Նա նշեց, որ Նիգերը միանում է ցավակցություններին, որ ամբողջ աշխարհն ուղղել է Շառլ Ազնավուրի մահվան կապակցությամբ: «Իր հսկայական աշխատանքի ընթացքում Շառլը ֆրանսերեն լեզվի դեսպան է եղել, նա պետք է գտնվեր այստեղ՝ այս դահլիճում, մենք՝ բոլորս, անհամբեր սպասում էինք այն պահին, երբ Շառլը կերգեր սերը, մշակույթը: Շառլի կորուստը մեծագույն կորուստ է Ֆրանսիայի, Հայաստանի, մշակույթի աշխարհի և ամբողջ աշխարհի համար»,-ասաց նա:

Անդրադառնալով գագաթնաժողովի «Ապրել միասին» կարգախոսին՝ նա ասաց, որ անդամ երկրների կարևորագույն արժեքը խաղաղասիրության, մարդասիրական արժեքների տիրույթում միասին ապրելն է:

«Այս թեմայի շուրջ կցանկանայի ընդգծել հինգ մարտահրավեր, որոնք կարևոր են իմ երկրի համար. անվտանգություն, միգրացիաներ, դեմոգրաֆիկ, կլիմայական մարտահրավերները և աշխարհի բազմաբևեռ մարտահրավերը: 

«Մի շարք անդամ երկրներ առճակատվում են ահաբեկչության վտանգներին»,-ասաց նա:

Մահամադու Իսուֆուն անդրադարձավ մարտահրավերներին առանձին-առանձին, ներկայացրեց իր դիտարկումները դրանց վերաբերյալ:

«Տնտեսական և քաղաքական մի շարք տիրույթներում այսօրվա միջազգային կառավարումը բավարար արդյունավետ չի աշխատում, այն չի կարողանում արդյունավետորեն պայքարել  կլիմայական տաքացման և այլ մարտահրավերների դեմ: Մենք պետք է շարունակենք պայքարը ժողովրդավարության և հավասարության համար»,-ամփոփեց իր ելույթը Նիգերի նախագահը:

Այս թեմայով
am